Wenn ich Dich nit hätt

(M.: All around my hat/Trad., Bearb.: KölschFraktion / T.: P.Horn-Peters)

Verlag: Gerig

 

Wenn ich dich nit hätt,

jo dann jöv et nix ze laache.

Wenn ich dich nit hätt,

dann wör ich en janz ärm Sau.

Un wenn et dich nit jevve dät,

dann möt mr dich erfinge dun,

Do bes mih ein un alles-loß mich nie, niemols allein!

 

Han irjendwie de Schnauz voll, vun däm wat mr su Levve nennt.

Ich föhl mich nur noch hohl, bloß ne Schatte vun mir selvs!

Ejal wie mr et mät, wie mr`t mät eß suwiesu verkeet!

Doch eins, dat weiß ich secher: et eß schön dat et dich jitt!

 

Wenn ich dich nit hätt...

 

Han irjendwie kein Kraff mih, kein Power mich zo wehre.

Mer fählt die richtije Loss, krije minge Aasch nit huh!

Doch do, do mäs mer Mot, do sähs, ich wör noch janz wigg weg vum Engk!

Dr Düvel well ding Siel han, Jung zeich däm Kääl de Zäng!

 

Wenn ich dich nit hätt...