Usjedresse

(M. + T.:  F.M. Willizil)

Verlag: Gerig

 

 Palaver-Pitter maggelt jän

Fottknöppels-Fingere deef em Klüngel dren

e Dutzend decke Pössjer bei der Stadt

politische Jegner jlatt plattjemaht

dat Pitterche wor ene verdamp schlaue Kopp

hät all die echte Fründe en de Täsch jestopp

doch dann dommerwies zevell jespendt

Finanzamp hät leider jrad ens nit jepennt - do hatt hä

 

 Ussjedresse – Luff erus

ussjedresse – zappenduster un Schluss

ussjedresse – rieng ne va plüh

ussjedresse – un tschöööö

 

Heinz dä Heuler Superstar

singk jede Woch em Fernsehn – sha-la-la

sing Stemm klingk eijentlich wie dr Affzoch vum Klo

ävver superjeil met Superplaybackshow

Millione o’m Konto, Millione vun Fans

Heinz dä Heuler wood met Platin bekränz

doch dann eines Ovends feel et Playback us

 un us de Boxe kom nur Dönnschiss erus - do hatt hä

 

Ussjedresse – Luff erus ...

 

Dröm dun immer schön dran denke:

do bes e janz klei Rädche en däm jrosse Spell

et Lääve mäht nit nur Jeschenke

irjendwann do jonn se dir dann och ens an et Fell - un do häs

 

Ussjedresse – Luff erus ...