Nix em Büggel

(M.: Trad. T.: F.M.Willizil)

Verlag: Gerig

 

Nix em Büggel, ävver all joot drop

nix em Büggel, ävver all joot drop

en ruude Nas, un jeck em Kopp 

nix em Büggel, ävver all joot drop

 

De Täsche leer un affjebrannt

stommer he me’m Rögge an dr Wand

Pleitegeier rejiert et Land

hammer immer schon jekannt

 

Driess drop – wat koss de Welt

mr zahlen suwiesu met Plastikjeld

dr letzte Euro op dr Kopp jeklopp

nix em Büggel, ävver all joot drop

 

Nix em Büggel, ävver all joot drop ...

 

Uns Kanzlerin säht: „Et weed alles joot!“

ha ha ha, do laachste dich kapott!

Finanzloch krijjen se nit jestopp

nix em Büggel, ävver all joot drop

 

Ich sag: „Jo-jo ….“

...nix em Büggel ävver all jot drop

 

Wammer lang jenooch jeklüngelt han

kumme mr dann all em Himmel an

Petrus laach un säht: „Kutt erop;

mir han nix em Büggel, ävver all joot drop!“

 

Doch he es noch lang nit Schluss

mir schaffen et us jedem Schlamassel erus

un su schnell rääch uns nix mih op:

Leever ärm un jlöcklich - als rich un beklopp!

 

Nix em Büggel, ävver all joot drop ... (2x)