Nä, wat es dat schön

(M.Trad., Bearb.: F.M.Willizil / T.: F.M.Willizil / P. Horn-Peters)

Verlag: Gerig

 

Des Morjens muss ich opston un ovends en de Kess

ne schöne Jross vum Murmeldier, immer dr selve Driss

Nä wat es dat schön – nä wat es dat schön

nä wat es dat herrlich – künnt janit schöner sin

 

Mi Levve heiss Maloche, för ne Appel un e Ei

und dat jrößte Sackjeseech verdeent sich domm dobei

Nä wat es dat schön – nä wat es dat schön

nä wat es dat herrlich – künnt janit schöner sin

 

Iehrlichkeit un Treu – Halleluja - jo dat zällt

Finanzamp jitt dir dann dr Ress – schöne heile Welt!

Nä wat es dat schön – nä wat es dat schön

nä wat es dat herrlich – künnt janit schöner sin

.

D’r Papst rejiert em Petersdom, Obama USA

en Kölle herrsch dr Klüngel un de U-Bahn-Mafia

Nä wat es dat schön – nä wat es dat schön

nä wat es dat herrlich – künnt janit schöner sin

 

Mer all he kummen op de Welt met janix en dr Täsch

met leere Häng do maache mer uns widder op dr Wääch

Nä wat es dat schön – nä wat es dat schön

nä wat es dat herrlich – künnt janit schöner sin

 

Herrjottzakaramentnochemol – die Moral vun däm Verzäll:

am Aasch do es et düster, do weed et selden hell

nemm et wie et kütt, söns kütt et un nimp dich met

et Lääve es et Bess, wat mer em Lääve kritt

Nä wat es dat schön – nä wat es dat schön

nä wat es dat herrlich – künnt janit schöner sin

 

Nä wat es dat ...