Mir sin do

(M.+T.: F.M. Willizil)

Verlag: Dabbelju / Hootsongs

 

Riesenlärm es op dr Stroß – mer sin do

o’m Aldermaat es dr Düvel loss – mer sin do

met Auto, U-Bahn, Zoch un Bus – mer sin do

echte Kölsche hält et nit ze Hus – mer sin do

 

Üverall es Karneval – mer sin do

op jeder Stroß, in jedem Saal

jross un klein un deck un schmal – mer sin do

denn Karneval, dat simmer all – mer sin do

 

Et waggele de Wäng em janze Land – mer sin do

Jecke sin uss Rand un Band – mer sin do

Lappeclowns un decke Trumm – mer sin do

un Rusemondaach laach de Sonn – mer sin do

 

Üverall es Karneval – mer sin do .....

 

Dr Nubbel en dr Höll dann schwitz – mer sin do

Pastur waad ald me’m Äschekrütz – mer sin do

oh do herrliche Fastenzick – mer sin do

ävver nit mih lang, es et widder su wick– mer sin do

 

(Denn) Üverall es Karneval – mer sin do .....