Mi Levve lang

(M.+T.: F.M. WIllizil)

Verlag: Dabbelju / Hootsongs

 

Ich ben ene Kölsche durch un durch

un dat weed immer su sin

Hätz op dr Zung un ohne Furch

ejal wo ich och ben

sulang bes nix mih jeiht

sulang de Welt sich drieht

Mi Levve lang - mi Levve lang

för immer kölsch mi Levve lang

bes mi Hätz höt op ze schlage

mi Levve lang - mi Levve lang

dat es un bliev su mi Levve lang

un bes en alle Iewichkeit!

Ich ben ene Fastelovendsjeck

un dat weed immer su sin

kölsche Sproch, kölsche Musik un FC-verröck

ejal wo ich och ben

sulang bes nix mih jeiht

sulang de Welt sich drieht

Mi Levve lang - mi Levve lang …

 

Un do, do bes ming Sunn em Rään

jo dat weed immer su sin

för alle Zick han ich dich jän

ejal wo ich och ben

sulang bes nix mih jeiht

sulang de Welt sich drieht

 

Mi Levve lang - mi Levve lang …