Ich kann et einfach nit losse

(M.+T.: F.M.Willizil)

Verlag: Gerig

 

De Mamm hät et mir vör Johre ald klorjemaht:

„Wenn do su wiggermähs, küsste em Levve nie parat!“- hät sei jesaht

Ich dürf he dat nit sage un do dat nit donn

doch minge ärme kleine Kopp wollt dat einfach nit verstonn

 

Ich saht: „Mamm, Mamm, ich well mich nit beschwere,

Mamm, Mamm, no loss et dir erkläre

ich streng mich jo de janze Zick ald wahnsinnich an

ävver leider es et su, dat ich janit anders kann

 

Ich kann et einfach nit losse - ich krich de Finger nit dovun

ich kann et einfach nit losse - ich muss et immer widder donn

Ich kann et einfach nit losse – oh Mann, et fängk ald widder an

ich kann et einfach nit losse - ich muss et immer widder han

 

Dä Dokter saht: „Oh-oh, Bad News, mein Sohn

wenn do su wiggermähs, weedste nit mih lang he stonn!

Met Zijärche un Hämche es jetz och ens besser Schluss,

söns beste janz flöck he us däm schöne Spell erus!“

 

Ich saht: „Dokter, Dokter, ich well mich nit beschwere

Dokter, Dokter, dat müsse mer jetz kläre,

ich dät jo jän jet standhafter sin,

ävver irjendwie krijjen ich dat einfach nit hin

 

Ich kann et einfach nit losse …

 

Un su kom ich dann ziemlich fröh beim Herrjöttche an

dä saht: „Ich han ald jewaadt – Jung, no hald dich ens dran

jetz jevve mer Jas, ejal wat et koss

hück ovend es he suwiesu dr Düvel loss

 

lecker jet esse - leckere Wiever

e besje jet zocke –well, I’m a Believer

ich kann nit verstonn, dat do ungen op dr Ääd

su manch einer ja keine Spass dodran hät

 

Ich kann et einfach nit losse ...