Ich hür su jän die Musik

(M.+T.: F.M.Willizil)

Verlag: Dabbelju

 

Em Kreisssaal klemmp dä kleine Jupp noch em Jeburtskanal

de Mamm denk nur: Jott, jevv mer Kraff, es dat en Höllenqual

vör'm Finster spellt en Bloskapell zo allem Üvverfluss

dat schöne Leed „Mer fahre met dr Stroßebahn noh Hus“

zack - hät dä Jupp si Köppche rusjesteck

un singe eetste Schrei es: „Boh, ich weede jeck!“

 

Ich hür su jän die Musik met Trööt un decker Trumm

wenn et richtich scheppert met Zimdeckel un Lavumm 

dann kumm ich anjefloge, weil mich dann nix mih hält

dat es för mich et Jrößte un et Schönste op dr Welt!

 

Jo, ich hür su jän die Musik met Trööt un decker Trumm

wenn et richtich scheppert met Zimdeckel un Lavumm 

dann kumm ich anjefloge, weil mich dann nix mih hält

dat es för mich et Jrößte un et Schönste op dr Welt!

 

Et es am Rusemondaach em Knass vum Klingelpütz

dr Schließer kütt me'm Meddaachsmahl lans dr Jang jewetz

hä kütt och an die Zell Nummer sibbehundertvier

do fällt et Kinn ihm erav: dä Jupp es durch de Düür

o'm Bett litt nur ne Zeddel op dr Deck:

„Ich hald et he nit us, ich weede jeck!“

 

Ich hür su jän die Musik met Trööt un decker Trumm

wenn et richtich scheppert met Zimdeckel un Lavumm 

dann kumm ich anjefloge, weil mich dann nix mih hält

dat es för mich et Jrößte un et Schönste op dr Welt!

 

La-la-la-la …....

 

Ich hür su jän die Musik met Trööt un decker Trumm

wenn et richtich scheppert met Zimdeckel un Lavumm 

dann kumm ich anjefloge, weil mich dann nix mih hält

dat es för mich et Jrößte un et Schönste op dr Welt

dat es för mich et Jrößte un et Schönste op dr Welt!