Fastelovendsfieber

(M.: F.M.Willizil, P.Haaser / T.: F.M.Willizil )

Verlag: Gerig

 

Lang jenooch jewaad – lang jenooch jeschwaad

lang jenooch dr Blues jehat - doch jetz stommer parat

Lang jenooch jedräump – vell ze vell versäump

Schluss met Tee un Baldrian - jetz fängk e ander Levve an

de Finger sin am kribbele – un et jöck schwer en de Fööss

de Fott fängk an ze wibbele – un ich weiß och, wat dat es:

 

Fastelovendsfieber – hät uns widder jepack

Fastelovendsfieber – hält uns all op Zack

Fastelovendsfieber – dojäje hilf doch nur

en Fastelovendskur!

 

Dr Nikolaus kütt en dr Sack – dr Lappeclown weed usjepack

dis Naach bliev et nit mih stell, weil jede Jeck hück fiere well

wenn bei dir noch et Kääzje brennt, häste dr Karneval verpennt

jetz es Schluss met lieb un brav – jetz heiß et widder „Kölle – alaaf!“

de Finger sin am kribbele – un et jöck schwer en de Fööss

de Fott fängk an ze wibbele – un ich weiß och, wat dat es:

 

Fastelovendsfieber ...

 

Kumm en de Jäng, leeven Schäng 

kumm en de Hüh, leev Marie 

no maach ens hin, leeven Tünn - jetz weed jebütz, leeven Fritz

kumm op de Bein, leeven Hein – hück bliev keiner mih allein

 

Fastelovendsfieber ...