Föttche

(M.+T.: F.M.Willizil)

Verlag: Dabbelju / Hootsongs

 

Die Künnijin em Märchenwald, die wor nit joot drop

fröch et Spieglein an dr Wand: „Wä hät dr schönste Kopp?“

Et Spieglein säht: „Frau Künnijin, ühr Dochter es ene Schoss, 

doch bei aller Schönheit zällt dat eine nur am Schluss:

 

Mer kacken all mem Föttche, mer bütze met dr Schnüss

lure met de Äujelcher un singe met de Fööss

mer biessen op de Zäng, speuen kräftich en de Häng 

un kummen en dr Himmel janz jewess

 

„Jede Jeck es anders!“ weed su off jesaht

Schwatze, Wieße, Ärme, Riche, all en eijen Aat

doch janz ejal, woher do küss, wä un wat do bes

jeder mäht am Engk doch bloss nur dä selven Dress

 

Mer kacken all mem Föttche ....

 

Do es nur eine Ungerschied, dat weiss ich janz jenau

dat es en winzije Kleinigkeit bei Mann un Frau

et dät kei Minsch he lääve, wann dä Ungerschied nit wör

doch söns, do simmer all he jlich, do jeiht et dir jenau wie mir: 

 

Mer kacken all mem Föttche ....