Dat jecke Hätz

(M.: C.M. Jansen / T.: F.M. Willizil – C.M. Jansen – P. Horn-Peters)

Verlag: Dabbelju

 

Dä Alldaach hält uns widder fass en singem Jreff

keiner weiss mih, wat am Engk vum Daach noch övverich bliev

doch et jitt - en Zick – die jitt uns dat zoröck

wat uns su jefählt hät wie verröck

 

Un dann klopp dat jecke Hätz

en jedem Ahl, en jedem kleine Fetz

Spass am Lääve, Minschemasse op dr Stross

Un dann klopp dat jecke Hätz

denn em Fastelovend es Jesetz:

övverall es he dr Düvel loss

 

Em Fastelovend kann ich jar nit anders, ich muss unger Lück

E Jeföhl wat mir als Kölsche janz, janz vill bedück

un jeiht dr Zoch dann endlich loss, Jeseechter strahle op dr Stroß

e Stöckche Heimat schlät en minger Bruss

 

Un dann klopp dat jecke Hätz...

 

Mer wesse noch, woröm et jeiht

wammer Fastelovend fiere deit

un es et endlich dann esu wick 

es dat för uns et jrösste Jlöck

 

Un dann klopp dat jecke Hätz... (2x)