Blieve

(M.: Trad. / T.: F.M. Willizil)

Verlag: Dabbelju

 

Wo mer jrad su schön beisamme sin

loss mer noch jet blieve

schenk ne jroße Schluck vun däm Hätzblot en

loss mer einfach noch jet blieve

Blieve, loss mer blieve

oh - loss mer noch jet blieve

bes et Köppche schwer un de Jläser leer

sulang loss mer noch jet blieve

Kumm un pack de Jittar widder us

loss mer noch jet blieve

un su lang se spellt, jommer nit noh Hus

loss mer einfach noch jet blieve

Blieve, loss mer blieve....

Bes zom Morje es et en lang lang Zick

loss mer noch jet blieve

nie widder simmer su jung wie hück

loss mer einfach noch jet blieve

Blieve, loss mer blieve....

Un sulang dat Lämpche he noch brennt

loss mer noch jet blieve

denn uns letzte Stund nur dr Herrjott kennt

loss mer einfach noch jet blieve

Blieve, loss mer blieve....(2x)