Ävver wat es met dä Kölsche

(M.: Björn Heuser / T.: Björn Heuser / F.M.Willizil)

Verlag: Dabbelju

 

De Musik dröhnt, vell ze laut he dren

dat Bier es schal, et Wasser läuf an de Schieve erav

ne Düürsteher lööt keiner mih eren,

ejal ov Touri oder Stammjass he us d’r Nohberschaff

ne schnelle Euro en dä dolle Daach es jo nit verkeet

doch es et dat, wo et em Fasteleer wirklich dröm jeiht?

 

Ävver wat es met dä Kölsche, die ald iewich he ze Hus 

en dä Stadt die nit immer schön es, doch die mer einfach jän han muss

wä kann noch su schwaade, wie de Mamm et immer maat,

loss mer nit mih zo lang waade, loss mer achte op uns Stadt.

 

E Mädche säht nä, doch dä Kääl dä bliev stur

kammer nit einfach schunkle, su wie et immer wor?

Muss mer suffe bes en et Koma, rund öm de Uhr?

Un mäht en Fuus dat wat m’r säht wirklich besser klor?

Se jröhle Leeder vum Veedel un dä schönste Stadt am Rhing,

doch zeich mir dä, dä im Ähnz noch versteiht wat hä do singk...

 

Ävver wat es met dä Kölsche, die ald iewich he Hus ...